Qazaqstandaǵy dopıngpen kúres halyqaralyq talaptarǵa saı júrgiziledi
ASTANA. QazAqparat - Qazaqstandaǵy dopıngpen kúres máselesi halyqaralyq talaptarǵa saı bolady. Búgin Parlament Senatynda sportty damytý máselelerine arnalǵan Úkimet saǵatynda Mádenıet jáne sport mınıstri Arystanbek Muhamedıuly málim etti.
Eske salaıyq, Úkimet saǵaty «Qazaqstan-2050» strategııasyn júzege asyrý aıasynda buqaralyq sportty zańnamalyq qamtý máselelerine arnalǵan bolatyn.
Mınıstrdiń sózine qaraǵanda, «Qazaqstan-2050» Strategııasynda sport jáne dene shynyqtyrý salasyn odan ári damytýda zor mindetter júktelip otyr. Osy maqsatta aǵymdaǵy jyly «Dene shynyqtyrý jáne sport týraly» Zańy kúshine engen.
«Jańa zańǵa sáıkes, jergilikti atqarýshy organdardyń birqatar baǵyttaǵy fýnktsııalary aıqyndaldy. Atap aıtqanda, jergilikti atqarýshy organda turǵylyqty jerlerde jáne halyqtyq demalý oryndarynda ınfraqurylym jasaýdy qolǵa alady. Ekinshiden, jergilikti jerlerdegi sport nysandaryn paıdalaný qoljetimdiligi artady. Sonymen qatar, jańa zańǵa sáıkes, dopıngpen kúres máseleleri tekserilip, ol halyqaralyq talaptarǵa sáıkestendirilip jatyr», - deıdi mınıstr A. Muhamedıuly.
