Qazaqstandaǵy depozıtterdiń dollarlaný deńgeıi tómendep keledi

NUR-SULTAN. QazAqparat – Qazaqstandaǵy depozıtterdiń dollarlaný deńgeıi bir jylda 5 paıyzǵa deıin tómendegen. Bul týraly Parlament Senatynyń otyrysynda Ulttyq bank tóraǵasynyń orynbasary Aqyljan Baımaǵambetov málim etti, dep habarlaıdy QazAqparat tilshisi.

«2019 jyly bank júıesindegi depozıtter 2,5 paıyzǵa kóbeıip, 19 trln teńgege jetti. Buǵan qosa ulttyq valıýtadaǵy salymdardyń mólsheri 13,1 paıyzǵa ósip, 10,8 trln teńgeni kórsetti. Buǵan teńgemen beriletin stavkalardyń joǵarylyǵy, sonymen birge aıyrbastaý baǵamynyń turaqtyǵyly sebep bolyp otyr. Al sheteldik valıýtamen jınalǵan depozıt mólsheri 8,7 paıyzǵa azaıyp, 8,2 trln teńgeni kórsetti. Osynyń arqasynda depozıtterdiń dollarlanýy 43,1 paıyzǵa tómendedi. Bir jyl burynǵy bul baǵyttaǵy kórsetkish – 48,4 paıyz edi», - deıdi Aqyljan Baımaǵambetov.

Ulttyq banki tóraǵasynyń orynbasary elde uzaq merzimdi nesıeler 6,5 paıyzǵa ósip, 11,8 trln teńgege jetkenin, al qysqa merzimdi nesıeler 2,7 paıyzdyq ósimdi kórsetip, 2,0 trln teńgege jetkenin málim etti.