Qazaqstandaǵy depozıtter kólemi 16,9 trln teńgege jýyq
ASTANA. QazAqparat - Qazaqstanda 2018 jylǵy aqpannyń sońyndaǵy jaǵdaı boıynsha rezıdentterdiń depozıttik uıymdardaǵy depozıtteriniń kólemi 2018 jylǵy aqpannyń sońynda 16 898,3 mlrd. teńge (bir aıda qysqarý 1,3%) boldy, dep habarlaıdy «QazAqparat» HAA Ulttyq banktiń baspasóz qyzmetine silteme jasap.
Atap aıtqanda, zańdy tulǵalardyń depozıtteri 8 867,7 mlrd teńgege deıin 2,2%-ǵa, jeke tulǵalardyń depozıtteri 8 030,7 mlrd teńgege deıin 0,3%-ǵa qysqardy.
Ulttyq valıýtadaǵy depozıtterdiń kólemi bir aıda 9 263,9 mlrd teńgege deıin 0,9%-ǵa, shetel valıýtasymen 7 634,4 mlrd teńgege deıin 1,8%-ǵa kemidi. Depozıtterdi dollarlandyrý deńgeıi aqpannyń sońynda 45,2% (qańtarda - 45,4%) boldy.
Zańdy tulǵalardyń ulttyq valıýtadaǵy depozıtteri 2018 jylǵy aqpanda 5 248,5 mlrd teńgege deıin 3,1%-ǵa, shetel valıýtasymen 3 619,2 mlrd teńgege deıin 0,9%-ǵa (zańdy tulǵalardyń depozıtterinen 40,8%) qysqardy.
Jeke tulǵalardyń teńgemen depozıtteri 4 015,5 mlrd teńgege deıin 2%-ǵa ulǵaıdy, shetel valıýtasymen 4 015,2 mlrd teńgege deıin 2,6%-ǵa (jeke tulǵalardyń depozıtterinen 50%) qysqardy.
Merzimdi depozıtter kólemi bir aıda 1%-ǵa qysqaryp, 11 651,7 mlrd teńge boldy. Olardyń qurylymynda ulttyq valıýtamen salymdar 6 250,5 mlrd teńgeni, shetel valıýtasymen 5 401,2 mlrd teńgeni qurady.
Banktik emes zańdy tulǵalardyń ulttyq valıýtadaǵy merzimdi depozıtteri boıynsha ortasha alynǵan syıaqy mólsherlemesi 7,4% (2017 jylǵy jeltoqsanda - 8%), jeke tulǵalardyń depozıtteri boıynsha - 11,5% (11,7%) boldy.
