Qazaqstandaǵy tsıfrlandyrý Kanada jáne Avstralııa deńgeıinde
Onyń sózine qaraǵanda, Germanııadan kelgen seriktester kómegimen Qazaqstan iri otandyq kompanııalardy tórtinshi ónerkásiptik revolıýtsııaǵa daıarlap jatyr.
«Bul jumysty bastar aldynda elimizde iske qosylǵan kompanııalarǵa sholý jasadyq. Osy oraıda olardyń deńgeıine taldaý júrgizildi. Bizdegi kompanııalardyń damý deńgeıi tolyq tsıfrlandyrýdan aıtarlyqtaı qalys kele jatyr. Degenmen de osyndaı jaǵdaı basqa da elderde baıqalýda. Bul baǵytta ilgeri kele jatqan Germanııanyń ózinde kompanııalardyń tek 10 paıyzy ǵana Indýstrııa 4.0 deńgeıine saı keledi», - dedi ol.
Halyqaralyq sarapshylardyń taldaýyna súıene otyryp, Qazaqstandaǵy ónerkásiptik kompanııalarda tsıfrlandyrý deńgeıin Kanadamen jáne Avstralııamen salystyrýǵa bolady.
«Halyqaralyq sarapshylardyń qorytyndysyna súıensek, Kanada men Avstralııa Indýstrııa 2.0 deńgeıinde tur. Bul kórsetkish Qazaqstanmen shamalas. Qazirgi kezde Qazaqstan kompanııalaryna óziniń básekege qabilettiligin arttyrýǵa múmkindik beretin sharalardy pysyqtaýdamyz», -dep túıdi M. Ydyrysov.