Qazaqstandaǵy borannan ádettegiden tys jyly temperatýraǵa deıin (FOTOREPORTAJ)
ASTANA. QazAqparat - 2015 jyldyń basy qazaqstandyqtar úshin jyly boldy. Qazaqstan aýmaǵyndaǵy aýa temperatýrasy klımattyq normadan 3-8º S joǵary.
Respýblıkanyń soltústik oblystarynda jeltoqsannyń basynda jańbyr men qar jaýyp, kóktaıǵaq boldy jáne jeldiń jyldamdyǵy 15-25 m/s-qa deıin kúsheıdi.
Ońtústiktegi oblystardyń turǵyndary qysty jaýynmen jáne jyly aýa raıymen qarsy aldy. Ońtústiktegi aýa temperatýrasy kópjyldyq ortasha kórsetkishten 5-10º S joǵary boldy.
Jeltoqsannyń ortasynda eldiń soltústik, ortalyq jáne shyǵys oblystarynda qar jaýyp, boran bolǵan aıazdy kúnder qalypty normadan aýytqyǵan jylý kúndermen almasty. Astana, Qostanaı, Kókshetaý jáne Petropavl, Pavlodar, Qaraǵandy qalalarynyń turǵyndary kóktaıǵaq pen, soltústik aýmaqtarǵa jat qardyń erýinen japa shekti. Aýa raıynyń qolaısyzdyǵy saldarynan joldar da jabyldy.
Qazaqstannyń ońtústiginde de jeltoqsan aıynda qar bolmaı, aýa temperatýrasy shamadan tys joǵary boldy. Rekordtyq kórsetkish 13...18º S.
Jeltoqsannyń sońǵy kúnderi soltústik aımaqtar turǵyndarynyń esinde aýa temperatýrasynyń kúrt tómendeýimen, qalyń qardyń túsýimen, jeldiń kúsheıýimen jáne tútegen boranmen este qaldy. Aýa raıynyń qolaısyzdyǵy saldarynan joldar da jabylyp, qar qursaýynan adamdar men kólikter qutqarylyp, shyǵaryldy. Aýa raıynyń qolaısyzdyǵy ushaqtardyń ushýyna da biraz qıyndyqtar kedergi keltirdi....
