Qazaqstandaǵy birqatar ótkizý beketteri jańǵyrtylady
Komıtet taratqan málimetterge qaraǵanda, bıylǵy jyldyń mamyr aıynyń 10-11 aralyǵynda Qazaqstan Respýblıkasy Qarjy mınıstrliginiń jaýapty hatshysy E.K. Jamaýbaev pen Memlekettik kirister komıtetiniń tóraǵasy M.E. Sultanǵazıev Túrkistan oblysyndaǵy «B.Qonysbaev» jáne «Jibek joly» ótkizý beketteriniń tynys-tirshiligimen tanysý maqsatynda issaparǵa bardy.
Sapar barysynda mınıstrlik ókilderi qurylys uıymynyń qyzmetkerlerimen kezdesip, «B.Qonysbaev» ótkizý beketiniń jańǵyrtylatyn aýmaǵy men «Jibek joly» ótkizý beketine jaqyn jerge josparlanǵan avtovokzal qurylysyn qarap shyqty.
«B.Qonysbaev» ótkizý beketin jańǵyrtý sheńberinde ótkizý beket aýmaǵy 3,6 gektardan 6 gektarǵa deıin keńeıtýge, avtokólik quraldaryna arnalǵan qozǵalys jolaqtaryn 2-den 8 jolaqqa kóbeıtý josparlanýda. Ótkizý qabileti táýligine 120-dan 500 júk avtokólik quraldaryna deıin artady.
«Jibek joly» ótkizý beketine jaqyn jerde tólqujattyq jáne kedendik baqylaý júrgizý úshin jolaýshylar termınaly bar zamanaýı avtovokzal qurylysyn júrgizý josparlanýda. Bul ótkizý beketiniń qabileti eki esege artyp, táýligine 50 myń jeke tulǵa ótkiziletin bolady.
Ótkizý beketterin jańǵyrtý, onyń qabiletin arttyrýǵa áser etip, memlekettik baqylaý júrgizý ýaqyty 25 mınýtqa deıin azaıady.
