Qazaqstandaǵy birqatar áskerı qyzmetshi jemqorlyq kúdigine ilindi
Jambyl oblysynyń Sybaılas jemqorlyq qyzmeti maıor, T.Rysqulov aýdanynyń qorǵanys isteri jónindegi bólimniń basshysyna qatysty tergeýdi júrgizýde. Ol áskerı esepte turý týraly anyqtama jáne shekti jasqa jetý boıynsha ásker bılet berýde yqpal etkeni úshin azamattan 35 myń teńge kóleminde para alǵany úshin kúdiktelýde.
Kúdikti men onyń qorǵaýshysynyń jedeldetilgen sotqa deıingi tergeý týraly usynymyna jáne kelý týraly mindettemesin berýine baılanysty oǵan qatysty protsessýaldyq ustaý qoldanylǵan joq.
Kúdikti kinásiniń deńgeıin anyqtaı otyryp, oǵan qatysty sońǵy sheshimdi sot shyǵarady.
Aǵymdaǵy jyldyń 20 qarashasynda Shymkent garnızonynyń ásker sotymen alaıaqtyq jasaǵany úshin Túrkistan oblysy Otyrar aýdanynyń qorǵanys isteri jónindegi bólimi jasaqtaý bólimshesiniń basshysy, kapıtan B.Alıev ómir boıy memlekettik qyzmette laýazym atqarý quqyǵynan, áskerı sheninen aıyra otyryp, 800 myń teńge aıyppul tóleý jazasymen sottaldy.
Ol aldaý jáne senimdi asyra paıdalaný arqyly azamattyń ulyn QR Qarýly kúshterindegi qyzmetin keıinge shegergeni úshin 80 myń teńge kóleminde qarajatyn ıemdengeni úshin kúdikti bolǵan.
