Qazaqstandaǵy Birinshi ulttyq ǵylymı-tehnologııalyq forsaıtqa arnalǵan konferentsııa ótedi
ALMATY. 9 naýryz. QazAqparat /Ádilet Musahaev/ - Aǵymdaǵy jyldyń 11 naýryzynda Qazaqstan Respýblıkasyndaǵy Birinshi ulttyq ǵylymı-tehnologııalyq forsaıtqa arnalǵan konferentsııa ótedi.
«Ulttyq ınnovatsııalyq qor» aktsıonerlik qoǵamy Elbasymyzdyń tapsyrmasyn jáne Qazaqstan Respýblıkasy Prezıdenti N.Á. Nazarbaevtyń 2011 jyldyń 28 qańtaryndaǵy halyqqa Joldaýynda jáne 2011 jyldyń 11 qańtaryndaǵy «Nur-Otan» partııasynyń HІІІ sezinde qoıylǵan mindetterdi oryndaý maqsatynda aldaǵy 20 jylǵa arnalǵan salalyq órkendeýge baılanysty 2020 jylǵa deıingi ǵylymı-tehnologııalyq forsaıt jaıly konferentsııa ótkizbek.
Ǵylymı-tehnologııalyq forsaıt ulttyq ınnovatsııalyq júıeniń ártúrli sýbektilerimen ortaq pikirge kelý negizinde asa qajetti tehnologııalar men basqa da salalardy jetildirýge baǵyttalǵan elimizdiń odan ári damýyn anyqtaýdy alǵa tartady.
Konferentsııaǵa ǵylym jáne bıznes salasyndaǵy, sonymen qatar, túrli qaýymdastyqtar men odaqtardyń ókilderi jáne halyqaralyq sarapshylar - barlyǵy 300-den astam adam qatysady dep kútilýde.
