Qazaqstandaǵy bilim berýdiń kredıttik júıesi klassıkalyq júıeden ózgeshe - L. Gýmılev atyndaǵy Eýrazııa ulttyq ýnıversıtiniń fılosofııa doktory
ALMATY. 25 jeltoqsan. QazAqparat - Qazaqstanda bilim berýdiń kredıttik júıesine kóshýdi 2000 jyldary bastady. Bul týraly búgin «Aspandaý» ǵylymı-bilim berý qorynyń janynan qurylǵan «ASPANDAU» Think Tank Club»-tyń «Qazaqstan Respýblıkasyndaǵy bilim problemalary» dep atalatyn alqaly jıynynda aıtyldy.
«Qazaqstan 2000 jyldardan bastap bilim berýdiń jelilik júıesinen kredıttik júıege satylap kóshti. Oǵan formaldy túrde kóshkenimen ol klassıkalyq kredıtik júıege onsha uqsamaıdy. Batys elderi men AQSh-ta qoldanylatyn. Ondaǵy basty aıyrmashylyq - memlekettik bilim standartynyń joqtyǵy. Qazaqstanda memlekettik jalpyǵa mindetti bilim standarty bakalavr men magıstrdiń bilim mazmunynyń jartysynan kóbin anyqtaıdy. Al AQSh-ta ol múlde joq», - deıdi L. Gýmılev atyndaǵy Eýrazııa ulttyq ýnıversıtiniń PhD Jaqsylyq Sábıtov. Onyń aıtýynsha, amerıkandyq kredıttik bilim berý júıesinde básekelestik óte kúshti damyǵan. Ol negizinen oqytýshylardyń arasynda stýdentterge, stýdentter arasynda baǵaǵa, ýnıversıtetter arasynda abıtýrentterge, PhD arasynda Professor assıstenti laýazymyna básekelestigi jáne taǵy basqalar.
