Qazaqstandaǵy bilim beretin uıymdar qashyqtan oqytý júıesine kóshýi múmkin be

NUR-SULTAN. QazAqparat – Qazaqstan Respýblıkasynyń bas sanıtar dárigeri Jandarbek Bekshın koronavırýs ınfektsııasynan saqtaný úshin qashyqtan oqytý júıesin engizý máselesine qatysty pikir bildirdi, dep habarlaıdy QazAqparat tilshisi.

«Bul rette Bilim jáne ǵylym mınıstrligi qujattar paketin daıyndaǵanyn atap ótý kerek. Onyń arasynda qashyqtan oqytý týraly da usynys bar. Keı oqý oryndarynda mundaı rejim buryn da qoldanylǵanyn bilemiz. Ásirese referat daıyndaý, emtıhan tapsyrý kezinde ondaı bolady. Saqtyq sharalarynyń bir tarmaǵy retinde Bilim mınıstrliginiń josparynda qashyqtyqtan oqytý qarastyrylǵan», - dedi Jandarbek Bekshın OKQ-da ótken baspasóz máslıhatynda.

Onyń aıtýynsha, joǵary oqý oryndarynda ǵana emes, kolledjder men keı mektepterdi de qashyqtan oqytý júıesine kóshirýge bolady.

«Eger tehnıkalyq jabdyqtalý deńgeıi múmkindik berse, biz álbette qarsy emespiz. Bul - qalypty qubylys. Biz HHІ ǵasyrda ómir súrip jatyrmyz. Zamanǵa saı aqparattyq tehnologııalardyń ıgiligin paıdalana bilýimiz kerek», - dedi ol.

Eske sala ketsek buǵan deıin Jandarbek Bekshın koronavırýs ınfektsııasynyń Qazaqstanǵa kirý yqtımaldyǵyna qatysty ǵalymdar boljamymen bólisken edi.