Qazaqstandaǵy barlyq JOO-lar onlaın kitaphanaǵa aýysady
«Rýhanı jańǵyrý» baǵdarlamasy aıasynda elimizdegi kitaphanalardy zamanaýı ortalyqqa aınaldyrý qarqyndy júzege asýda. Máselen, Almatydaǵy Jambyl atyndaǵy kitaphana jumysy jańa júıege aýysqan.
Máýlen Ashimbaevtyń aıtýynsha, mundaı bastama Qazaqstannnyyń barlyq aımaǵynda jalǵasýy tıis.
«Biz kitaphanalar júıesin jańartýǵa tıispiz. Olardyń keıbiri ábden eskirgen. Zamanaýı kitaphananyń oqý alańynda oqyrmandardyń pikir almasýyna jaǵdaı jasalǵan.Mundaǵy kitaptardyń elektrondy nusqasy jasalady. Tsıfrlandyrýdyń negizgi bóligi Astana men Almatyda júzege asady. Qalǵan aımaqtar ózine tıisti tapsyrmany oryndaıtyn bolady. Barlyq ýnıversıtetter biryńǵaı onlaın júıege kóship, osy arqyly elimizdiń kitap qoryna kez-kelgen oqyrman ońaı qol jetkize alatyn bolady»-dedi Nur Otan» partııasy tóraǵasynyń birinshi orynbasary Maýlen Áshimbaev.
Jambyl atyndaǵy qalalyq kitaphana qaıta jóndeýden keıin eýropalyq «kovorkıng» ortalyǵyna uqsaıdy. Munda kitap oqýǵa arnalǵan tynysh oryn men ony talqylaýǵa arnalǵan kópshilikke arnalǵan alań qarastyrylǵan. Bilim ortalyǵy kompıýtermen jabdyqtalǵan ári munda joǵary jyldamdyqtaǵy Wi-Fi ǵalamtory iske qosylǵan. Búginde partııa jetekshilgimen elimizdiń 6 aımaǵynda kitaphanalar osyndaı jańa júıege aýystyrylýda.
