Qazaqstandaǵy barlyq iri bógetter baqylaýdyń avtomattandyrylǵan júıesimen jabdyqtalady
«Qazaqstanda shamamen 400 bóget bar. Onyń ishinde 200-ge jýyǵy - ortasha nemese iri bóget. Biz is júzinde olardyń barlyǵyn baqylaýda ustap turmyz. Memleket baqylaýyndaǵy birde-bir bógetti sý buzyp ketken joq ne bolmasa tótenshe jaǵdaı oryn almady», - dedi ol.
Onyń sózine qaraǵanda, jyl saıyn atalǵan bógetterge aǵymdyq jáne kúrdeli jóndeý jumystaryna qarjy bólinýde, kúzet qyzmeti jumys isteıdi.
«Degenmen, olardyń barlyǵy da osydan 30-50 jyl buryn salynǵan ári túbegeıli jańǵyrtýdy qajetsinedi. Qazir biz avtomattandyrylǵan júıe engizýdemiz. Aldaǵy ýaqytta bógetterdiń jaı-kúıin baqylaýdyń jáne bógettiń tómen jaǵynda qonystanǵan halyqty qulaqtandyrýdyń zamanaýı avtomattandyrylǵan júıesin engizbekpiz», - dedi komıtet tóraǵasynyń orynbasary.
B. Beknııazdyń sózine qaraǵanda, aǵymdaǵy jyly gıdrotehnıkalyq qurylystardy jańǵyrtýdyń jobalyq-smetalyq qujattary ázirlený ústinde. Ol 2016 jyldan bastap qolanysqa engiziletin bolady. Al jekemenshik qolynda bógetter menshik ıesiniń qarjysy esebinen júrgiziledi ári ol jumystar qatań memleket baqylaýyna alynady.