Qazaqstandaǵy barlyq gıdrotehnıkalyq qurylystar qaýipsizdigi deklaratsııalanady
Azamattyq qorǵanys jónindegi jańa zań jobasy 2015 jyldyń qańtarynan iske qosylatyn bolady. Qazirdiń ózinde ol zań qabyldanǵan. Atalǵan zańda gıdrotehnıkalyq qurylystardyń qaýipsizdigi týraly biz engizgen ereje bar. Onda adam ómirine qaýip tóndiretin barlyq gıdrotehnıkalyq qurylystar menshik nysanyna qaramastan deklaratsııalanatyndyǵy anyq kórsetilgen», - dedi B.Beknııaz.
Onyń sózine qaraǵanda, nysan memlekettik menshikte bolsa, onda ony mınıstrlikke qarasty kásiporyn, kommýnaldyq menshikte bolsa, jergilikti ákimdik deklaratsııalaıdy. Al jekemenshik qolyndaǵy nysandardyń deklaratsııasy Sý resýrstary komıtetine tabys etiledi. Osydan keıin komıtet akkredıttelgen mamandandyrylǵan uıymdy taǵaıyndaıdy. Atalǵan uıym deklaratsııanyń bóget qaýipsizdigi jaı-kúıine sáıkestigin tekseretin bolady.
«Biz Qazaqstandaǵy barlyq tirek qurylystardy qamtıtyn bolamyz jáne aldaǵy ýaqytta olardyń jaı-kúıi qandaı ekendigin, qandaı sharalar júzege asyrý kerektigin bilemiz», - dedi komıtet tóraǵasynyń orynbasary.
Sonymen qatar ol deklaratsııa bóget ıesiniń nemese paıdalanýshy uıymnyń esebinen júrgiziletindigin atap ótti. Al kásiporyndy akkredıtteý Sý resýrstary komıteti arqyly júzege asyrylady.