Qazaqstandaǵy barlyq basylymdardyń ınternettegi saıty bolmaıynsha, jańa dúnıelerdi ıgere almaımyz

ASTANA. 4 aqpan. QazAqparat - Qazaqstandaǵy barlyq basylymdardyń ınternettegi saıty bolmaıynsha, biz jańa dúnıelerge jete almaımyz . Bul týraly búgin QR Mádenıet jáne aqparat mınıstrliginiń alqa májilisinde mınıstr Muhtar Qul-Muhammed málim etti.

Mınıstr sóz arasynda mádenıet salasynyń barynsha aqparattandyrylýy, barynsha ınnovatsııalanýy tıistigine toqtaldy. Bul ásirese aqparattyq-telekommýnıkatsııalyq, medıatehnologııalarǵa baılanysty bolyp otyr. «Máselen, jaqynda «News week» gazeti óziniń eń sońǵy baspa nómirin shyǵaryp, óziniń baspasóz ónimi retinde shyǵýyn toqtatty. Demek, olardyń barlyǵy aldaǵy ýaqytta tek ınternet jelisinde ǵana damıdy degen sóz. Qazaqstandaǵy barlyq basylymdardyń ınternettegi saıty bolmaıynsha, biz jańa dúnıelerge jete almaımyz», - dedi M. Qul-Muhammed. Bul rette mınıstr respýblıkalyq «Kazpravda» gazetiniń jańarǵan saıtyn úlgi retinde atap ótti.