Qazaqstandaǵy bankterdiń jaǵdaıy turaqty - D. Aqyshev
Bas bankırdiń aıtýynsha, bankter kredıtteriniń kólemi 2016 jylǵy qańtarda 1,3 paıyzǵa ulǵaıyp, qańtardyń sońynda 12,8 trln teńgeni qurady. «Qazirgi ýaqytta jaǵdaı tolyǵymen turaqty. Bankterdiń kredıttik belsendiligin retteýdiń kontrtsıkldyq tásilin eskere otyryp qoldaý úshin 2016 jylǵy 1 qańtardan bastap retteýshilik sıpatyndaǵy birqatar jeńildikter jasaldy. Sonymen qatar, bankterdiń joǵary táýekeldi operatsııalary boıynsha menshikti kapıtalǵa kúsheıtilgen talaptar engizildi jáne jumys istemeıtin qaryzdardy tómendetý boıynsha aktsıonerlerdiń jaýapkershiligi retteldi», deıdi D. Aqyshev.
Onyń sózine qaraǵanda, Ulttyq Bank kún saıyn jaǵdaıdy qadaǵalap otyrady, áleýetti ishki jáne syrtqy táýekelderdi tolyq túsinedi jáne ekonomıkanyń uzaqmerzimdi ornyqty ósýin qamtamasyz etý maqsatynda aqsha-kredıt saıasatyna sáıkes sharalar qabyldaıdy.
«Ulttyq Bank makroekonomıkalyq turaqtylyqty jáne teńgerimdi ári ornyqty bıýdjetti qamtamasyz etýge baǵyttalǵan engiziletin ózgeristerdi qoldaıdy», - dep qorytyndylady Danııar Aqyshev.
