Qazaqstandaǵy bankter sáýir aıynda 2 mln-ǵa jýyq tólem kartasyn shyǵardy
NUR-SULTAN. QazAqparat – Jyl basynan bastap qazaqstandyq tólem kartasy naryǵynda ósim baıqalady, dep habarlaıdy QazAqparat QR Ulttyq bankine silteme jasap.
«2020 jyldyń alǵashqy tórt aıynyń sonynda aınalymda 37,8 mln tólem kartasy tirkelip, onyń 54% (20,5 mln) belsendi qoldanyldy. Sáýir aıynda emıtenttermen 2 mln-ǵa jýyq tólem kartasy shyǵarylǵan. Bul tólem kartasynyń 45% Almaty qalasynyń aınalymynda (891 myń birlikke jýyq). Al aımaqtarda tótenshe jaǵdaı kezinde shyǵarylǵan tólem kartasynyń sany ortasha eseppen 70 myńnan asady», delingen habarlamada
2020 jyldyń 1-toqsanynyń qorytyndysy boıynsha 96,3 myń kásipker 133,1 myń saýda oryndarynda 160,7 myń POS-termınal ornatqan.
Qazaqstan aýmaǵynda 12 myń bankomat jumys istep, onyń 1,5 myńy klıentterdiń bıometrııalyq ıdentıfıkatsııalaý fýnktsııasyn qoldaıdy.
