Qazaqstandaǵy balabaqshalardyń jartysy – jekemenshik

ASTANA. QazAqparat - 2022 jyly mektepke deıingi uıymdardyń sany 11 104-ke jetti, bul 2021 jylmen salystyrǵanda 2,1% artyq (2021 jyly – 10 871), dep habarlaıdy QazAqparat ulttyq statbıýroǵa silteme jasap.

Onyń ishinde:

4638 – qalalyq jerde (+237)

6466 – aýyldyq jerde (-4).

Menshik nysany boıynsha onyń 5 681 – memlekettik (51,2%), 5423 – jeke menshikte (48,8%).

2021 jylmen salystyrǵanda mektepke deıingi uıymdardyń sany 233-ke ósken.

Bul rette qalalyq jerlerde olardyń sany 237-ge artsa, aýyldyq jerlerde kerisinshe 4-ke azaıǵan.

Mektepke deıingi uıymdar sany boıynsha Túrkistan oblysy kósh bastap tur – 1369.

Alǵashqy úshtikke Almaty oblysy – 1142 jáne Almaty qalasy – 899 kirdi.

Eske sala keteıik, bıylǵy jyldyń birinshi toqsanynda Qazaqstanda mektepke deıingi tárbıe men oqytý salasyndaǵy qyzmetterdiń kólemi 182,8 mlrd teńge boldy.

Bul bir jyl burynǵy kórsetkishten 21,3% kóp (2021 jylǵy 1-toqsanda – 150,6 mlrd teńge) .