Qazaqstandaǵy avtoparktiń qurylymy qandaı
NUR-SULTAN. QazAqparat – «QazAvtoÓnerkásip» avtokólik salasyndaǵy kásiporyndar odaǵy 2020 jylǵy 1 shildedegi jaǵdaı boıynsha kólik parkiniń qurylymy týraly málimetti jarııalady, dep habarlaıdy QazAqparat.
«Ákimshilik polıtsııa organdary málimetinshe, Qazaqstanda barlyq tıptegi 4 mln 382 myń kólik tirkeýge engizilgen. Jeńil ári jeńil kommertsııalyq avtomobıl úlesine 3 mln 631 myń tehnıka tıesili nemese 82,9 paıyz. Osydan keıingi orynda júk kóligi (417,6 myń; 9,5 paıyz), tirkeme jáne jartylaı tirkemeler (206,2 myń; 4,7 paıyz), avtobýstar (69,9 myń; 1,6 paıyz) men mototehnıka (56,5 myń; 1,3 paıyz) tur», - delingen taratylǵan málimette.
Jeńil avtokólik parkiniń qurylymynda eskirgen tehnıkanyń basym ekeni baıqalýda. Avtoparktiń jartysyn paıdalaný merzimi 20 jyldan asqan (1,82 mln; 50 paıyz) kólikter qamtyp otyr. Sonymen qatar, 11-den 20 jylǵa deıingi kólik sany 783,7 myń (21,6 paıyz), 8-den 10 jylǵa deıingiler – 286,1 myń (7,9 paıyz), 3-ten 7 jylǵa deıingiler – 585,1 myń (16,1 paıyz), al paıdalaný merzimi eki jylǵa jetpegen kólik sany 160,8 myń (4,4 paıyz) boldy.
Qazaqstanda LADA brendin tańdaǵandar kóbirek, reseılik markanyń úlesi 19,6 paıyzǵa nemese 712,2 myń avtomobılge jetti. Osydan keıingi orynda 13,6 paıyz (493,4 myń kólik) úlespen Toyota tur. Sonymen qatar bul tizimde Volkswagen (7,8%; 283,3 myń kólik), Audi (5,8%; 211,5 myń), Mercedes-Benz (4,9%; 177,2 myń), GAZ (4,2%; 153,1 myń), Mitsubishi (4,1%; 150,3 myń), Nissan (4,1%; 148,6 myń), Hyundai (3,5%; 128,6 myń) bar.
QazAvtoÓnerkásip málimetine qaraǵanda, 2017 jyly elimizdiń 1 000 turǵynyna shaqqanda 211 jeńil kólik, 2018 jyly – 207, 2019 jyly 202 kólik tıesili bolǵan. 2020 jylǵy 1 shildedegi jaǵdaı boıynsha bul kórsetkish 1000 adamǵa shaqqanda 194 avtomobıl deńgeıine deıin tómendedi.
