Qazaqstandaǵy avtomobıl joldaryn damytýǵa grant bólindi

NUR-SULTAN. QazAqparat - Azıa damý banki kvazımemlekettik sektorǵa respýblıkanyń avtomobıl joldary salasyn jaqsartý úshin alǵash ret granttyq qarjy bólip otyr, dep habarlaıdy QazAqparat QR Indýstrııa jáne nfraqurylymdyq damý mınıstrliginiń Telegram kanalyna silteme jasap.

Ondaǵy derekterge qaraǵanda, baǵdarlamany iske asyrýdy QR Indýstrııa jáne ınfraqurylymdyq damý mınıstrligi Avtomobıl joldary komıteti Jol aktıvteriniń ulttyq sapa ortalyǵy úılestiretin bolady.

Halyqaralyq qarjy ınstıtýttary Qazaqstanda avtomobıl joldaryn salý, qaıta qurý, jóndeý jáne kútip-ustaý kezinde jumystar men materıaldardyń sapasyna saraptama júrgizý úshin, sondaı-aq jol aktıvterin basqarý úshin mamandandyrylǵan jol qurylymyn qurý ıdeıasyn joǵary baǵalady.

2019 jyly qurylǵan QR IIDM Avtomobıl joldary komıteti Jol aktıvteriniń ulttyq sapa ortalyǵy óz jumysynyń tıimdiligin kórsetip úlgerdi. Azııa damý banki Ortalyqqa onyń ári qaraı fýnktsıonaldyq damýy men sapany baqylaýdy jaqsartýy úshin arnaıy grantyn bólip otyr. Qarjylandyrý baǵdarlamasy normatıvtik-quqyqtyq bazany, normatıvtik-tehnıkalyq qujattamany jetildirýge, jol qaýipsizdigin arttyrýǵa, sondaı-aq jol salasyndaǵy sybaılas jemqorlyq táýekelderin azaıtýǵa baǵyttalǵan.

Jumys barysynda Azııa damý banki baǵdarlamany basqaratyn bolady. Budan bólek, konsýltanttardy tartyp, semınarlar ótkizedi. Sondaı-aq, jobanyń barlyq nátıjeleriniń sapasy men úılestirilýin qamtamasyz etpek.

Baǵdarlamany iske asyrý 2021 jyldyń basynda bastalady dep kózdelip otyr. Ol 1,5 jylǵa eseptelgen.