Qazaqstandaǵy avtokólikter sany 4 mln. birlikke jetti

Іshki ister mınıstri Qalmuhanbet Qasymovtyń aıtýynsha, Qazaqstandaǵy avtoparktiń ósý qarqyny kóshe-jol jelisiniń damý qarqynynan edáýir artyp ketken. Onyń ústine kóptegen avtojoldar tehnıkalyq talaptarǵa da saı kelmeıdi. «Ókinishke qaraı, elimizdiń jol salasyndaǵy apattylyq aýqymy joǵary kúıinde qalyp otyr. Ótken jyly 20,3 myń jol-kólik oqıǵasy tirkeldi, bul 61 paıyzǵa artyq kórsetkish. Oqıǵalar saldarynan 2793 adam qaıtys bolyp, 26,1 myń adam jaraqat aldy», - deıdi mınıstr. Onyń sózine qaraǵanda, jol-kólik oqıǵasynyń 90 paıyzdan astamy júrgizýshiler kinásinen jasalady. «Jalpy ótken jyly 42,8 myń «mas» júrgizýshi ustalyp, jazaǵa tartyldy. Olardyń 5,3 myńnan astamy ákimshilik qamaýǵa alyndy», - deıdi ol.