Qazaqstandaǵy áýe kemeler parkiniń tozýy 80 paıyzdy quraıdy

Bul týraly Parlament Májilisinde kólik ınfraqurylymyn damytý máselelerine arnalǵan Úkimet saǵatynda Ekonomıkalyq damý jáne óńirlik reforma komıtetiniń tóraǵasy Seıitsultan Áıimbetov aıtty.

«Búgingi tańda memlekettik tizilimde 497 azamattyq áýe kemeleri tirkelgen. Sarapshylardyń málimeti boıynsha áýe kemeleri parkiniń tozyǵy 80 paıyzdy quraıdy. Olardy paıdalaný merzimi 20 jyldan asady. Al kemeniń qyzmet etýiniń belgilengen merzimi osy jyldan aspaýy tıis. IKAO standartyna kelmeıtin, eskirgen áýe kemeleriniń parki otandyq avıatsııanyń úlken kemshiligi bolyp otyr», - dedi komıtet tóraǵasy.

Budan bólek, avıatsııa peronalynyń tapshylyǵy, otyn bazasynyń jetispeýshiligi, sondaı-aq jóndeý júrgizetin bazanyń bolmaýy, áýejaı ınfraqurylymynyń damymaýy óz sheshimin tappaı otyr. «Munyń barlyǵy el ishindegi, halyqarlyq áýe tasymalyn paıdalanýǵa teris áser etedi. Áýe bıletteriniń qymbat bolýy, básekelestiktiń damymaýy, qanaǵattanarlyqsyz servıs, reısterdiń júıeli keshigýi men otandyq avıakompanııalardyń «qara tizimge» enýi ózekti bolyp qalyp otyr», - deıdi S. Áıimbetov.