Qazaqstandaǵy aýa raıy málimetteriniń shynaıylyǵy ary ketkende 80 paıyzdy quraıdy
ASTANA. 22 aqpan. QazAqparat /Qanat Mámetqazyuly/ - Qazaqstandaǵy aýa raıy málimetteriniń shynaıylyǵy ary ári ketkende 80 paıyzdy quraıdy.
Bul týraly búgin Astanada ótken QR Prezıdenti janyndaǵy Adam quqyqtary jónindegi komıssııanyń keńeıtilgen otyrysynda Qorshaǵan ortany qorǵaý mınıstrliginiń jaýapty hatshysy Anatolıı Dernovoı aıtty.
Onyń sózine qaraǵanda, respýblıkamyzda aýa raıyn boljaıtyn oryndar jetispeıdi. Máselen, búginde elimizde osyndaı 259 oryn bar, alaıda bul kórsetkish keńestik kezdegiden úsh esedeı az. A. Dernovoı osy olqylyqtyń ornyn toltyrý úshin birqatar sharalar qabyldanyp jatqanyn atap kórsetti. «Qazirgi ýaqytta Qorshaǵan ortany qorǵaý mınıstrligi aýa raıynyń jaǵdaıyn avtomattandyrylǵan baqylaýdy qalyptastyrý boıynsha salmaqty sharalardy qabyldap jatyr. Bul óz kezeginde aýa raıy boljamdarynyń shynaıylyǵyn aıtarlyqtaı arttyratyn bolady», - dedi ol.
