Qazaqstandaǵy astyq alqaptarynyń 86 paıyzy jınaldy

ASTANA. QazAqparat - Respýblıkanyń barlyq oblystarynda egin jınaý jumystary qyzý júrip jatyr, dep habarlaıdy QazAqparat Aýyl sharýashylyǵy mınıstrligine silteme jasap.

Ákimdikterdiń derekterine sáıkes, búginge deıin 13,9 mln gektar dándi jáne dándi-burshaqty daqyldar jınaldy, bul jalpy ónimniń 86,3 %-yn quraıdy. Qazirgi tańda ortasha ónimdilik gektaryna 12,5 tsentner, 17,3 mln tonna astyq bastyryldy.

«Basqa aýyl sharýashylyǵy daqyldaryna keletin bolsaq, maıly daqyldardyń jalpy túsimi 363 myń tonnany qurady, 3,6 mln tonna kókónis jáne 2,1 mln tonna kartop jınaldy. Egindi jınaý jumysy jalǵasyp jatyr», - dep jazdy vedomstvodan.

Qazaqstanda jalpy saqtaý syıymdylyǵy 12,8 mln tonna bolatyn 189 lıtsenzııalanǵan astyq qabyldaý kásiporny jumys isteıdi. Olardy jańa ónimdi qabyldaýǵa daıyndaý boıynsha josparly jumys júrgizilip jatyr.

Sonymen qatar, aýyl sharýashylyǵy taýaryn óndirýshilerdiń óziniń 16,6 mln tonna astyqqa eseptelgen saqtaý qoımalary bar. Atalǵan kólemderdiń boljamdy túsimin eskersek, ol oryndar jınalǵan astyqty saqtaý úshin jetkilikti bolady.