Qazaqstandaǵy árbir ekinshi avtokólik otandyq zaýytta jasalǵan
«Partııa baǵdarlamasyndaǵy basty maqsattardyń biri - ónerkásip kólemin arttyryp, ómir sapasynyń jaqsarǵanyn árbir turǵyn sezinetindeı ınklıýzıvti ekonomıkaǵa kelý. Mundaı mańyzdy maqsatta biz de aıanbaı eńbek etemiz. Siz (Nursultan Nazarbaev - avt.) bes ret bizdiń kásiporynǵa keldińiz. Bul sizdiń otandyq avtomobıl ónerkásibiniń qalyptasýyna degen janashyrlyǵyńyzdy bildiredi. Jáne búgin qol jetkizgen ortaq jetistikterdi maqtanyshpen aıta alamyn. Ótken jyldyń qorytyndysy boıynsha, «Avtoprom» óńdeý ónerkásibindegi eń úlken ósim kórsetti. Qazaqstannyń mashına jasaýyndaǵy úlesimiz - 19%. Bir jylda 32 myńnan astam avtokólik shyǵardyq», - dedi Andreı Lavrentev.
Onyń aıtýynsha, otandyq kólik shyǵarýshylarǵa degen satyp alýshylardyń senimi artyp keledi.
«2013 jyly eldegi árbir besinshi kólik otandyq bolsa, búginge - árbir ekinshi avtokólik Qazaqstanda shyǵarylǵan. Alǵash ret bizdiń avtokólikter eksporttalyp jatyr. Ázirge avtokólikterimizdi Reseı, Belarýs, Tájikstan, Qyrǵyzstanǵa eksporttaýdy bastadyq. Bul - áli bastamasy ǵana. Bıyl 50 myń avtokólik óndirip, onyń 20% eksporttaýdy josparlap otyrmyz. Al 2020 jyly óndiris kólemin 100 myńǵa deıin jetkizemiz», - dedi ol.
Sonymen birge, Qazaqstandaǵy avtokólik óndirisine iri ınvestorlar da qyzyǵýshylyq tanytyp otyr.
«Kelissózderge jeke ózińizdiń qatysýyńyz arqyly sheteldik iri transulttyq kompanııa Qazaqstandaǵy avtokólik óndirisin damytýǵa 1 mlrd AQSh dollarynan astam qarajat bóletin boldy. Bizdiń óndiris - EAEO aýmaǵyndaǵy eń iri jobalardyń biri», - dedi A. Lavrentev.
Aıta keteıik, Elordadaǵy Táýelsizdik saraıynda Elbasy Nursultan Nazarbaevtyń tóraǵalyǵymen «Nur Otan» partııasynyń kezekti XVIII sezi ótip jatyr.
Sezd «Nur Otan» partııasynyń 20 jyldyǵyna oraı uıymdastyrylyp otyr. Onda birneshe ózekti máseleler qarastyryldy.
