Qazaqstandaǵy árbir ekinshi adam aqparatty ınternetten alady - Ashat Erkimbaı
«Internews Kazakhstan» «Ortalyq Azııa elinde - Qazaqstan, Ózbekstan jáne Tájikstanda adamdar aqparatty qalaı tutynady? Aqparat kózin qaıdan alady?» degen suraqqa jaýap izdedi. Saýalnama qorytyndysy boıynsha, tutastaı alǵan kezde úsh elde de aqparat alý kózi retinde aldyńǵy orynda teledıdar tur. Ekinshi orynda – ınternet. Qazaqstanda saýalnamaǵa qatysqan árbir ekinshi adam jańalyqty ınternetten qaraıtynyn aıtqan. Úshinshi orynda áleýmettik jeli, týǵan-týys, dos-jaran tur. Radıo Tájikstanda ǵana oq boıy alda tur«, - deıdi aımaqtyq medıa-keńesshi Ashat Erkimbaı.
Sondaı-aq, ol Ortalyq Azııa halqy ınternettegi ýaqytyn qalaı ótkizetinin aıtty.
»Ortalyq Azııadaǵy turǵyndar ınternetti eń aldymen, kóńil kóterý, jańalyq oqý, odan keıin fılm qaraý maqsatynda qoldanady. Azııanyń ózge elderimen salystyrǵanda Qazaqstanda ınternet arqyly tólem jasaý, bank qyzmetin paıdalaný, elektrondy taýar satyp alý júıesi jolǵa qoıylǵan. ıAǵnı, bizdiń aýdıtorııa elektrondy dúnıeni satýǵa, satyp alýǵa daıyn jáne oǵan mashyqtanǵan. Sondaı-aq, saýalnamaǵa qatysýshylar onlaın-kontent satyp alýǵa 2-3 myń teńgesin qııatyny týraly jaýap bergen. Sonymen qatar, áleýmettik-demografııalyq saýalnama qorytyndysy boıynsha, qazaq tilinde kontentti tutynatyn adamdar sany artyp bara jatqany baıqalady«, - deıdi ol.
