Qazaqstandaǵy árbir altynshy jemqorlyq qylmys bilim berý salasynda jasalady
Onyń aıtýynsha, bilim berý salasyndaǵy jemqorlyqqa qarsy jasalyp jatqan jumystar jýyrda partııanyń respýblıkalyq jemqorlyqqa qarsy qoǵamdyq keńesiniń otyrysynda talapqa saı emes dep tanyldy. «Atalǵan statıstıka respýblıkalyq deńgeıge tıesili, degenmen Astana qalasyndaǵy jaǵdaı da osyǵan uqsas. 2014 jyly tirkelgen barlyq jemqorlyq qylmystardyń árbir altynshysy bilim berý salasynda jasalǵan. Al ákimshilik qyzmetkerleri arasynda osy sala eń jemqorlyq jaılaǵan sala bolyp sanalady, ol 37 paıyzdan artyq kórsetkishke jetken», - deıdi ol. S.Ahmetovtiń aıtýynsha, 2013 jyly Qazaqstanda 145 jemqorlyq qylmys tirkelgen. 2014 jyly olardyń sany 252-ge deıin artty. Bilim berý salasyndaǵy jemqorlyq qylmystardyń kóbeıýiniń basty sebebi - zańnamalarda qarama-qaıshylyqtardyń kóp bolýy jáne osy saladaǵy basqarýshy mamandardyń biliktilik deńgeıiniń tómendigi, sonyń saldarynan bıýdjet qarajatynyń ońdy-soldy shashylýy. Sonymen qatar bul salada memleket qarajatyn qymqyrý, qyzmet babyn asyra paıdalaný, para alý sııaqty qylmystar da kóptep kezdesedi. «Bilim berý salasyndaǵy para alýdyń eń kóp taraǵan sebepteri JOO-ǵa túsý, emtıhan tapsyrý, bilim oshaqtarynda oqymaǵan adamdardyń dıplomdar men attestattar alýy, balalardy balabaqshaǵa nemese jalpy bilim beretin mektepke ornalastyrý kezinde jáne basqa da jaǵdaılarda kezdesedi», - deıdi S.Ahmetov.
