Qazaqstandaǵy aptap ystyqtyń arty jaýyn-shashynǵa ulasady
ASTANA. QazAqparat - Qazaqstanda aptap ystyq jaýyn-shashynǵa aýysady, dep habarlady «Qazgıdromet» RMK.
«Ótken aptada respýblıkanyń shyǵys bóligine Iran jaqtan ystyq ári óte qurǵaq aýanyń yǵysýynan aptap ystyq boldy. Batys bóliginde eýropalyq Reseıdiń soltústik-batys aýdandarynan salqyn ári ylǵaldy aýa kelip, sonymen birge jańbyr jıi jaýyp, aýanyń temperatýrasy ádettegiden 2-4 gradýs tómen boldy. Aldaǵy úsh táýlikte atmosferalyq protsesterdiń aýysýy kútilip otyr. Batys Sibir aýdandarynan ylǵaldy ári salqyn aýa massalary kelip jetedi. Sonymen birge respýblıkanyń basym bóliginde jańbyr jaýyp, naızaǵaı jarqyldaıdy, keıbir jerlerde burshaq túsip, aýanyń temperatýrasy tómendeıtini kútilip otyr», - delingen habarlamada.
Qazaqstan respýblıkanyń batysynda jaýyn-shashynsyz kún raıy kútilip, aýanyń temperatýrasy 33-41 gradýsqa deıin kóteriledi.
