«Qazaqstandaǵy» «Altyn uıa» 25 aqpannan bastalady
ASTANA. QazAqparat - 25 aqpannan bastap, «Qazaqstan» arnasynda «Altyn uıa» atty jańa telehıkaıa kórermenge jol tartpaq, dep habarlady Ulttyq arnanyń baspasóz qyzmetinen.
Sıýjettiń basty maqsaty - bir aýylda beıbitshilik pen kelisimde turatyn túrli ult ókilderiniń kúndelikti ómir tirshiligin kórsetý. Serıalda Táýelsiz Qazaqstannyń qalyptasý kezeńderinen búgingi kúnge deıingi kórinister kórsetilgen.
Kınotýyndynyń bas qaharmandary - Qarataevtar otbasy. Osy otbasynyń aınalasynda túrli ult ókilderi birigedi.
Otaǵasy Turǵambaıdyń rólin tanymal akter Nurjuman Yqtymbaev Baıjumanuly, al onyń áıelin aktrısa Raıhan Aıtqojanova somdaıdy.
Olar óz ómirlerin túgeldeı temir jol salasyna arnaǵan jandar.
Kınokartınada mańyzdy róldiń birin dáriger ıÝrıı Tsoı oınaıdy. Sondaı-aq, aýyldastaryn jaryqtyń joqtyǵynan saqtap qalǵan jáne álemdegi barlyq oqıǵalardan habardar bolý úshin «keńestik» kezeń qulaǵan kezde elektrogenerator oılap tapqan ónertapqysh Andreı Gıbner tulǵasynda ınnovatsııaǵa da oryn beriledi. Alǵyr kásipker Ysmaıyldyń arqasynda aýylda saýda-sattyq órkendeıdi. Jas Qazaqstannyń qalyptasýyna óz úlesin Valentına Fedorovna da qosady, keıinnen ol Qazaqstan Halqy Assambleıasynyń múshesi bolady.
Serıalda mahabbat pen túńilý, jaqsylyq pen zulymdyq qatar júredi. Alaıda hıkaıa qaharmandary yntymaq pen birliktiń arqasynda, qoǵam men memleketke paıda tıgizý maqsatymen barlyq qıyndyqtarǵa tótep berip, alǵa qoıǵan asqaq armandaryna qol jetkizedi.
Týyndynyń qoıýshy rejısseri - Erjan Rústembekov, qoıýshy operator - Nıkolaı Rabotıagov, qoıýshy sýretshi - Marat Imanbergen, prodıýseri - Quralaı Anarbekova. Sonymen qosa serıal akterleriniń juldyzdy quramasyn da aıta ketken jón - Baqyt Isabekova, Baýyrjan Surapbaev, Beıbarys Óteýil, Tatıana Zavodovskaıa, Aleksandr Lýkashevıch, Anna Starchenko, Serjan Amankýlov, Alekseı Prımachok, Dmıtrıı ıÝgaı, Aleksandr Lavrova, Lazız Isametov.
«Altyn uıa» kópserııaly kórkem fılmin 25 aqpannan bastap, dúısenbi men beısenbi aralyǵynda saǵat 21:05-te kórsetiledi.
