Qazaqstandaǵy altyn óndirisi qańtar aıynda 8,7 paıyzǵa artty
ASTANA. QazAqparat - Qazaqstanda 2018 jylǵy qańtar aıynda óńdelmegen jáne jartylaı óńdelgen nemese untaq túrindegi altyn óndirisi 5978 kelige jetti. Bul 2017 jylmen salystyrǵanda 8,7%-ǵa kóp, dep habarlaıdy «QazAqparat» HAA.
QR Ulttyq ekonomıka mınıstrligi Statıstıka komıtetiniń aqparatyna súıensek, esepti kezeńde óńdelmegen jáne jartylaı óńdelgen nemese untaq túrindegi kúmis óndirý kólemi byltyrǵyǵa qaraǵanda 12,2%-ǵa qysqaryp, 59 644 kelini qurady.
Eske sala keteıik, 2017 jyly Qazaqstanda óńdelmegen altyn óndirisi 85 029 kelini qurady. Bul 2016 jylmen salystyrǵanda 13,8 paıyzǵa kóp. Sonymen qatar óńdelmegen kúmis kólemi 1 058 605 kelini qurady. Bul bir jyl burynǵy kórsetkishten 10,8 paıyzǵa kem.
