Qazaqstandaǵy alǵashqy safarı-park Qaraǵandy oblysynda salynbaq
QARAǴANDY. QazAqparat - Qaraǵandy oblysynda óńir aýmaǵynda salynatyn safarı-parktiń orman balamasynyń eskızdik jobasy bekitiledi, dep habarlaıdy QazAqparat tilshisi.
"Búgingi tańda QR Aýyl sharýashylyǵy mınıstrliginiń Orman sharýashylyǵy jáne janýarlar dúnıesi komıteti parktiń eskızdik jobasyn bekitti. Bir erkek, bes urǵashy maral jáne bir erkek, toǵyz urǵashy qaban ósirý josparda bar. Ol jerde jemdi saqtaıtyn qoıma, qonaqtar jatatyn bir shaǵyn úı, qoryqshynyń úıi, shóp salatyn ottyq, sholý munarasy bolady. Jobasy ádemi. Bul park tabıǵatty jáne jan-janýardy súıetin árbir janǵa unaıtynyna senimdimiz", - deıdi "Buırataý" memlekettik ulttyq tabıǵı parkiniń ekologııalyq aǵartý bóliminiń basshysy Marııa Redko.
Onyń aıtýynsha, parkte týrıster elikterdi, arqarlardy, kıikterdi, bızondardy, sarlyqtardy, maraldardy, sur tyrnalardy, saryshunaqtardy, sýyrlar men qurlardy, tipti Qyzyl kitapqa engen basqada janýarlar men qustardy tamashalaı alady. Ulttyq parkte ań aýlaýǵa tyıym salynady.
"Safarı-parktiń dalalyq balamasyn salý úshin jeke menshik kásiporyndar arasynda tender oınatyldy, nátıjesinde temirtaýlyq jer paıdalanýshy 200 gektar jerdi 49 jylǵa uzaq merzimdi paıdalanýǵa aldy", - dedi Marııa Redko.
Jýyrda jobalyq-smetalyq qujattamalar ázirlenedi. Nysannyń qurylysyna birneshe jyl qajet.
Park aýmaǵynda ańdar qamalatyn volerlar, qoryqshylardyń úıshikteri, kúrkeler boı kóteredi. Budan tys, jalpy kópshilik ári múmkindigi shekteýli jandar paıdalanatyn týrıstik joldar tóselmek. Orman baǵyna kirý aqyly bolady.
Qazirgi kezde iske asyrylyp jatqan keshendi sharalardyń arqasynda, joıylyp ketý qaýpi tónip turǵan jabaıy ańdardyń kóbeıýine jaǵdaı jasalady.
