Qazaqstandaǵy alǵashqy onlaın-úılený toıyna baıqaý: Jeńimpaz jup anyqtaldy
Esterińizde bolsa, buǵan deıin Qazaqstannyń «Sparta» KTK komandasynyń kapıtany Danııar Jumadilov «Jasa» aktsııasyna qosylyp, Instagram-nyń tikeleı efırinde onlaın úılený toıyn ótkizýge baıqaý jarııalaǵan edi. Búgin Danııar Instagram-nyń tikeleı efırinde sol baıqaýdyń qorytyndysyn shyǵardy. Danııardyń uly Álı 10 juptyń aty jazylǵan qaǵazdardyń birin kezdeısoq ádispen tańdap alyp, onda Jandarbek pen Lımaranyń esimderi jazylyp turdy.
Osydan keıin Danııar Instagram-da Lımaramen tikeleı efır arqyly baılanysyp, quttyqtady.
«Biz sizderdiń vıdeolaryńyzdy qaradyq, keremet. Endi daıyndalamyz, kútińizder. Bári keremet ótýi úshin barymyzdy salamyz», - dedi ol.
Aıta keteıik, Qazaqstandaǵy birinshi Instagram-úılený toıynyń basty keıipkeri bolý úshin otbasyn qurýǵa nıetti juptar vaın, qaljyń, lırıka túrinde ózderiniń mahabbat tarıhyna qatysty qysqa vıdeo túsirip jiberýi tıis edi.
Danııar Jumadilov onlaın-toıdy keremet ótkizip berýge ýáde etti. Onda betashar, shoý-baǵdarlama, shoý-balet jáne shaqyrylǵan juldyzdar bolmaq.