Qazaqstandaǵy alǵashqy loýkosterdiń áýe parki A320 ushaǵymen tolyqty

ASTANA. QazAqparat – Azamattyq avıatsııa komıteti Qazaqstan áýe kompanııalarymen birlesip, áýe kemeler parkin ulǵaıtý jáne tasymaldaý syıymdylyǵyn arttyrý boıynsha jumysty jalǵastyryp jatyr, dep habarlaıdy QazAqparat.

«Fly Arystan» syıymdylyǵy 180 oryndyq «A320SEO» áýe kemesin aldy. Bul – flottaǵy 16-shy ushaq.

2023 jyldyń sońyna deıin áýe parkin 19 ushaqqa deıin, onyń ishinde jańa ushaqtarmen keńeıtý josparlanyp otyr.

Áýe kemesin paıdalanýǵa berý áýe kompanııanyń tasymaldaý syıymdylyǵyn arttyrady, áýe bıletter kestesi men usynystaryń ýaqytyly oryndalýyna oń áser etedi.

Áýe kemeleriniń parkin ulǵaıtý, tasymaldaý syıymdylyǵyn ulǵaıtý jáne reısterdiń keshigý sanyn azaıtý jónindegi jumys jalǵasyp jatyr. Bul Azamattyq avıatsııa komıtetiniń turaqty baqylaýynda bolady.