Qazaqstandaǵy áleýmettik jaǵdaıy tómen otbasylardaǵy 28 000 benefıtsıar «BOTA» qorynyń kómegin alady
ASTANA. 1 qazanda «BOTA» qorynyń Áleýmettik qyzmetterdi qoldaý baǵdarlamasy (ÁQQB) elimizdegi áleýmettik jaǵdaıy tómen otbasylardaǵy balalar men jastarmen jumys isteıtin barlyq kommertsııalyq emes uıymdarǵa (KEU) 6-granttyq baıqaý jarııalady.
Bul týraly «BOTA» qoǵamdyq qorynyń baspasóz qyzmetinen habarlady.
Usynylatyn granttardyń kólemi 290 000 teńgeden 7 250 000 teńgege deıingi somany quraıdy. Jobalar analardyń (ata-analardyń) jáne ekonomıkalyq ál-aýqaty tómen jastardyń ana densaýlyǵyna qatysty bilimi men mashyqtaryn jaqsartýǵa, mektepke deıingi bilim qyzmetterine qoljetimdilik pen onyń sapasyn jaqsartýǵa; erekshe qajettilikteri bar balalarǵa, qıyn ómirlik jaǵdaıdaǵy balalar men jastarǵa jáne jastardyń áleýetin jaqsartýǵa yqpal etýge baǵyttalýy tıis.
Ár baıqaý saıyn ÁQQB áleýmettik jaǵdaıy tómen otbasylardaǵy balalar men jastardyń bilimi, densaýlyǵy men áleýmettik qorǵalýyna qarjy salymynyń kólemin arttyrýda. Osy ýaqytqa deıin ótken bes grant aıasynda «BOTA» qorymen 393 áleýmettik jobany qoldaý úshin 1 mıllıardtan astam teńge bólgen bolatyn. Baıqaý men ÁQQB qyzmeti týraly tolyq aqparatty www.bota.kz saıtynan ala alasyzdar.
Búginde osy jobalardyń arqasynda 28 000 qazaqstandyq qoldaý alýda: erekshe qajettilikteri bar 4 500-nan astam bala saýyqtyrý jáne ıntegratsııalyq jobalarǵa qatysady, 12 000 jas ózderiniń áleýetin damytý úshin qoldaý alyp úlgerdi, Qıyn ómirlik jaǵdaıdaǵy 10 000-nan astam bala men jas qoldaý men qamqorlyq aldy, mektepke deıingi bilim boıynsha 42 joba júzege asyrylyp, olardyń aıasynda áleýmettik jaǵdaıy tómen otbasylardaǵy 1300-den astam bala qamtyldy.
«BOTA» qorynyń qoldaýǵa ıe bolǵan «Sana-sezim ortalyǵy» QB Taraz qalasynda erekshe qajettilikteri bar balalar men jastarǵa áleýmettik túzetý ortalyǵyn qurdy, «Aqbota» QQ Aqmola jáne Qaraǵandy oblystarynda (Arshaly, Shortandy aýdandary, Kókshetaý, Stepnogor jáne Shahtınsk) kásibı baǵyttaý boıynsha 5 resýrstyq ortalyq ashty. «Psıhologııalyq mádenıetti damytý men qoldaý» QB Kókshetaýda destrýktıvti jáne sýıtsıdtik minez-qulyq tán jasóspirimder úshin psıhologııalyq qoldaý ortalyǵyn qurdy. «Nezabýdka» QQ Rıdder qalasynda mektep jasyna deıingi 20 bala úshin otbasylyq bilim berý ortalyǵyn ashty, 100 otbasyǵa áleýmettik-quqyqtyq jáne psıhologııalyq-pedagogıkalyq máseleler boıynsha keńes beredi.
