Qazaqstandaǵy alaqol qurylys kompanııalary belgili boldy
ASTANA. 9 sáýir. QazAqparat - Qazaqstan qurylys salýshylar qaýymdastyǵy jyljymaıtyn múlik naryǵynda jumys isteıtin birqatar jaýapsyz qurylys kompanııalaryn anyqtady. Bul týraly atalǵan uıymnyń baspasóz habarlamasynda aıtylady.
Atap aıtqanda, qaýymdastyq jyljymaıtyn múlik naryǵynda alaqol oıynshylar paıda bolǵanyn habarlaıdy. Bular «Mainstreet», «Astana Qurylys», «Órken», «Azbýka jılıa», «Kaz Jordan Construction Company» qurylys kompanııalary bolyp otyr. Bul rette qaýymdastyq qurylys uıymyn tańdaý barysynda 1 sharshy metri úshin 1100 dollardan arzan bolatyn qurylys baǵasyna nazar aýdarýǵa keńes beredi. «Ortasha naryq baǵasynan tómen baǵa táýekelderdi, materıaldardyń yqtımal qymbattaýyn, ınflıatsııany, basqa da josparlanbaǵan shyǵystardy eskermeıdi. Budan bólek, kompanııa tarıhyna nazar aýdarý qajet - onyń qashan, qaı jerde ne salǵanyna, ol ǵımarattyń sapasy qandaı bolǵanyna, kompanııanyń tájirıbesiniń, óndiristik qýatynyń, banktegi nesıelik jelisiniń bar-joqtyǵyna nazar aýdarý qajet», dep esepteıdi uıym ókilderi.
