Qazaqstandaǵy aqyly joldaǵy tólemdi esepteıtin jańa tehnologııa engizildi
NUR-SULTAN. QazAqparat – Elimizdiń avtomobıl joldaryndaǵy aqyly ýchaskelerinde RFID-tehnologııalary engizildi, dep habarlaıdy QazAqparat «QazAvtoJol»-ǵa silteme jasap.
Avtokóliktiń aldyńǵy áınegindegi RFID-japsyrmasy japsyrylady. ıAǵnı, ondaǵy sáıkestendirý kody anyqtalǵannan keıin, júıe kólik týraly aqparatty alyp, aqyly ýchaskelerdegi tólem qabyldaý pýnktterinen kedergisiz ótkizedi. Bul nómirdi durys anyqtaýǵa, júrip ótken jol boıynsha qarajatty durys esepteýge arnalǵan sharalardyń biri.
«RFID belgileri tólem qabyldaý pýnktinde ornatylady. Belgini kólikke ornatý jáne júıede tirkeý úshin 5 mınýttaı ýaqyt qajet. Belgini alý jáne ornatý úshin tólemaqy alynbaıdy», - delingen habarlamada.
Qazirgi tańda atalmysh belgiler Nur-Sultan-Şýchınsk, Nur-Sultan-Temirtaý jáne Almaty-Qapshaǵaı ýchaskelerindegi tólem qabyldaý pýnktterinde ornatylýda. Taıaý arada Almaty-Qorǵas ýchaskesinde de engizý josparlanǵan.
Jańa belgiler engizilgenimen, jeke shotty tolyqtyrý ádisi ózgermeıdi. Jeke shot memlekettik tirkeý nómiri boıynsha tolyqtyrylady.
