Qazaqstandaǵy aqyly joǵary oqý oryndarynyń baǵasy ósip bara jatyr degen sóz jalǵan - Bilim jáne ǵylym mınıstri
TANA. 22 qyrkúıek. QazAqparat /Aıdar Ospanalıev/ - «Qazaqstandaǵy aqyly joǵary oqý oryndarynyń baǵasy ósip bara jatyr degen sóz jalǵan»,
dedi búgin Bilim jáne ǵylym mınıstri Baqytjan Jumaǵulov Parlament Senatynyń jalpy otyrysynda.
Mınıstrlik osyǵan deıin joǵarǵy oqý oryndarynyń basshylaryna baǵany kótermeý jóninde talap qoıǵan. «Sodan beri oqý aqysyn respýblıkadaǵy birde-bir oqý orny kótermegen. Biraq balalardy oqytý kerek, ol úshin qarjy qajet. Búgin biz talqylap otyrǵan zań jobasynda aqyly bilim beretin oryndarda baǵa granttyń baǵasynan tómen bolmaýy kerek degen talap bar. Al qazir granttyń baǵasy 500 myń bolsa, aqyly bilim alatyndar jylyna 200-250 myń, keıbireýleri 100 myń tipti 50 myń tólep oqıtyndary da bar. Al 50 myńǵa qandaı bilim berýge bolady»,-dedi mınıstr.
Onyń sózine qaraǵanda, arzan baǵa oqýdyń sapasyn tómendetedi. Sondyqtan biz keıbir oqý oryndaryna baǵany birden kótermesten birte-birte sapaly bilim beretindeı deńgeıge jetkizý jóninde tapsyrma berdik. «Eger kúshke salyp, baǵany kóterýge bolmaıdy dep otyratyn bolsaq, bizge barlyq aqyly oqý oryndaryn jabý qajet bolady. Óıtkeni olardyń sapaly bilim berýge jaǵdaılary joq»,-dedi B.Jumaǵulov.
