Qazaqstandaǵy aqsha aıyrbastaý oryndarynda rýbl baǵamy kúrt tómendedi

ALMATY. QazAqparat - Almaty men Astananyń aqsha aıyrbastaý pýnktterinde Reseı valıýtasynyń teńgege shaqqandaǵy baǵamy tómendedi, dep habarlaıdy QazAqparat tilshisi.

Reseıdegi jaǵdaıǵa baılanysty Qazaqstannyń aqsha aıyrbastaý oryndarynda reseılik valıýta baǵamy turaqsyz bolyp tur.

Dál qazirgi ýaqytta Almatydaǵy aqsha aıyrbastaý oryndarynda kórshi el valıýtasy 4,3- 5,2 teńge aralyǵynda saýdalanyp jatyr.

Al, Astanada 4,2 -5,15 teńge aralyǵynda qubylyp tur.

23 maýsym keshki saýda qorytyndysy boıynsha, Reseı valıýtasynyń ortasha baǵamy 5,31 teńge bolǵan.

QR Ulttyq banki belgilegen Reseı rýbliniń resmı baǵamy 5,32 teńgeni quraıdy.