Qazaqstandaǵy AQSh elshisi Djordj Krol kókpardyń kórermenderin qazaq tilinde quttyqtady
ASTANA. QazAqparat - Amerıka Qurama Shtattarynyń Qazaqstan Respýblıkasyndaǵy Elshisi Djordj Krol Astanadaǵy «Qazanat» atshabarynda ótken kókpardan álem chempıonatynyń ashylý saltanatynda jınalǵan kórermenderdi qazaq tilinde quttyqtady, dep habarlaıdy «QazAqparat» HAA tilshisi.
«Qurmetti hanymdar men myrzalar! Maǵan aldymen kókpardan tuńǵysh álem chempıonatynyń ótýimen quttyqtaýǵa ruqsat etińizder! Amerıka Qurama Shtattary osy jarysqa qatysqanyna óte qýanyshtymyn. Amerıka kókpardan búgin Túrkııamen jarysty. Sport mádenıetter men elderdi biriktiretin múmkindik. Túrki halyqtarynyń dástúrli sport túrleri boıynsha qaýymdastyqtyń osyndaı halyqaralyq chempıonat uıymdastyryp, oǵan Amerıka Qurama Shtattaryn shaqyryp otyrǵanyna, kovboılardy asa qurmetpen qarsy alǵany úshin alǵysymdy bildirgim keledi. Kovboılar qazaqtyń naǵyz batyr maıtalmandarynan tálim aldy. Kókpardyń baı tarıhyna tórleı bildi. Búgingi keshte amerıkalyq ánshi Aızı Keın aldaryńyzda óner kórsetedi. Kóp rahmet! Saý bolyńyzdar!» - dedi Djordj Krol.
Eske sala ketsek, búgin Astanadaǵy «Qazanat» atshabarynda kókpardan álem chempıonaty bastaldy. Jarysqa 11 komanda qatysyp jatyr. Qazaqstan chempıonattyń birinshi kúninde Aýǵanstan kókparshylarynan 9:2 esebimen basym tústi.
