Qazaqstandaǵy AQSh elshiliginiń qyzmetkerleri aýyzasharǵa arnap shelpek, baýyrsaq pisirip taratty
«Qasıetti Ramazan aıy múbárák bolsyn! Quranda Qudaı «Eı, adam balasy!... bir-birińdi tanýlaryń úshin senderdi ulttar, rýlar qyldyq. Shynynda Allanyń qasynda eń ardaqtylaryń taqýalaryń» (Ál-Hýjýrat 13) delingen. Dál osyndaı rýhty ustanǵan Nur-Sultandaǵy elshiligimizde AQSh-tyń teńiz jaıaý áskerleri, sondaı-aq ókildigimizdegi eriktiler Aýyzasharǵa qosymsha dep biraz taǵam daıyndaımyz dep sheshim qabyldady», delingen habarlamada.
«Qasıetti Ramazan aıynda óz erikterimen tamaq daıyndap, ony muqtaj jandarǵa jetkizgisi keletindigi týraly maǵan habarlady. Yqylas pen volonterlik amerıkalyq dástúrdiń bir bóligi. Jáne men olardyń osy yntalaryn Qazaqstanda jalǵastyryp jatqanyna qýanamyn», dedi Qazaqstandaǵy AQSh elshisi Ýılıam Mozer.
Ol elshilikte osyndaı meıirimdi jáne qamqor áriptesterdiń bolǵanyn maqtan etetinin jetkizdi.
«Osy aıda qazaqstandyq jáne amerıkalyq musylmandardyń kópshiligi pandemııaǵa baılanysty Ramazan aıyn oqshaýlaný rejiminde ótkizýde. Áleýmettik ara qashyqty saqtap, maska kııý tek bıylǵy Orazada ǵana qajet bolady dep senemin. Berekeli aı bolsyn!», - dedi elshi.
