Qazaqstandaǵy adam saýdasyna qatysty ózbek azamaty 24 jylǵa sottalady
ASTANA. QazAqparat - Ózbekstan týmasy Reseıdiń Máskeý oblysyndaǵy Kolomenskoı qalasynda ustalyp, qylmystyq jaýapkershilikke tartylý úshin eline ekstradıtsııalandy. Bul týraly kolomna-spravka.ru habarlady.
2014 jyly 47 jastaǵy Ózbekstan azamaty elinen «jaqsy jumys taýyp beremin» dep Qazaqstanǵa jeti adamdy jetkizgen. Ol ár jumysshy 2 mln sým tabys tabady dep sendirgen. Alaıda Qazaqstanǵa kelgesin qylmysker barlyq jerlesteriniń qujattaryn tartyp alyp, eki aı tegin eńbek etýge májbúrlegen.
Ózbekstannyń quqyq qorǵaý organdary osy oqıǵa boıynsha qylmystyq is qozǵap, aıyptalýshyǵa izdestirý jarııalady. Alaıda ol Reseıge boıtasalap, izin jasyrdy.
Reseı polıtsııasy 2016 jyldyń naýryz aıynda onyń qaıda ekendigin anyqtady, keıin Kolomenskoı qalalyq prokýratýrasy ony tutqyndady.
Adam saýdasymen aınalysýshy qamaýǵa alynyp, RF Bas prokýrorynyń orynbasary ony Ózbekstanǵa qaıtarý jóninde sheshim qabyldaǵan. 2016 jyly maýsym aıynda ol Máskeýge jetkizilip, ózbek aıdaýylshylaryna tapsyryldy.
Ózbekstandyq óz elinde Qylmystyq kodekstiń adam saýdasy baby boıynsha jaýapkershilikke tartylady. Úsh ret qylmysqa barǵan oǵan ár epızod boıynsha 8 jyl bas bostandyǵynan aıyrý jazasy qarastyrylýy yqtımal.
