Qazaqstandaǵy 9 myń zańsyz qoqys alańyn joıý kestesi ázirlendi
«Sanktsııalanbaǵan qoqys alańdarynyń ósip kele jatqanyna basa mańyz berý kerek. Ǵaryshtan jasalǵan monıtorıngke qaraǵanda, 2019 jyly el aýmaǵynda zańsyz 9 myń qoqys alańy anyqtaldy. Mınıstrlik olardyń bárin joıý kestesin ázirledi. Olardyń 30 paıyzy (2,7 myńy – kólemi 400 myń tonnalyq qoqys) joıyldy. Al bul kólem aınalyp kelgende Aqtóbe oblysy men Nur-Sultan qalasynda bir jylda jınalyp qalatyn qoqyspen teń», - dedi Maǵzum Myrzaǵalıev OKQ ótken halyqqa esep berý kezdesýinde.
Áıtse de mınıstr keıbir óńirde mundaı qoqystardy joıý jumystary burynǵysynsha qalyp qoıyp jatqanyn aıtady. Atap aıtqanda Aqtóbe men Aqmola oblysynda qoqystyń joıylý deńgeıi 3 paıyzdan aspaıdy.
«Zańsyz qoqys tógý máselesin sheshý úshin Ekologııalyq kodekste qoqys tasıtyn kólikterge GPS ornatý josparlanyp otyr», - dedi ol.
