Qazaqstandaǵy 9 qalanyń aýasy joǵary deńgeıde lastanǵan – komıtet
ASTANA. QazAqparat – Elimizdegi 45 ónerkásiptik qalanyń toǵyzynda atmosferalyq aýa joǵary deńgeıde lastanǵan. Bul týraly Ortalyq kommýnıkatsııalar qyzmetindegi brıfıngide Ekologııalyq retteý jáne baqylaý komıtetiniń tóraǵasy Zulfuhar Joldasov málimdedi, dep habarlaıdy QazAqparat tilshisi.
«Ekologııalyq monıtorıng nátıjeleri boıynsha 45 ónerkásiptik qala men megapolısten 9 qala atmosferalyq aýanyń lastanýynyń joǵary deńgeıine jatady. Bul – Astana, Almaty, Qaraǵandy, Temirtaý, Atyraý, Aqtóbe, Balqash, Óskemen jáne Shymkent qalalary. Ótken jyly mundaı qalalardyń sany 10 boldy. Alaıda, osy jyldyń basynda joǵary deńgeıden orta deńgeıge ótken Jezqazǵan qalasy tizimnen shyǵaryldy», - dedi Zulfuhar Joldasov.
Onyń aıtýynsha, ekologııalyq jaǵdaıǵa bıznes qaýymdastyqtary teris áser etip otyr.
