Qazaqstandaǵy 620 myń 442 stýdenttiń 319 940-y memlekettik tilde bilim alýda - Statıstıka
ASTANA. 18 qańtar. QazAqparat. Qazaqstan Respýblıkasynda 2010/2011 oqý jylynyń basyna 149 joǵary oqý orny (budan ári - JOO) jumys istedi, ondaǵy stýdentterdiń jalpy sany 620 442 adam. JOO-nyń jalpy sanynan 53-i memlekettik bolyp tabylady, olarda 310 092 adam nemese jalpy stýdentter sanynyń 49,9 paıyzy oqıdy. Stýdentterdiń jalpy sanynan qyzdar 58,2 paıyzdy, jigitter 41,8 paıyzdy quraıdy.
Memlekettik bilim granttarynyń esebinen 130 671 adam, nemese stýdentterdiń jalpy sanynyń 21,1 paıyzy , memlekettik bilim tapsyrysynyń esebinen 9 862 adam nemese 1,6 paıyzy, aqyly negizde 479 909 adam nemese 77,3 paıyzy bilim alady.
Stýdentterdiń jalpy sanynan 329 408 adam nemese 53,1 paıyzy oqytýdyń kúndizgi túri boıynsha oqıdy, 285 311 adam nemese 46 paıyzy - syrttaı, 5 723 nemese 0,9 paıyzy keshki túri boıynsha oqıdy.
Memlekettik tilde oqıtyn stýdentterdiń sany 319 940 adamdy qurady. JOO-da oqytý qazaq tilinde oqytýmen qatar orys, aǵylshyn, arab jáne nemis tilderinde júrgiziledi.
2010/2011 oqý jylynyń basyna respýblıkanyń JOO-da 85-ten astam ult ókilderi oqydy. Oqıtyn qazaqtardyń úles salmaǵy - 75,9 paıyz, orystardyń sany- 16,5 paıyz, ózbekter, ýkraındar, tatarlardyń sany 0,9-1,4 paıyz sheginde, ózge ulttar - 4,2 paıyzdy qurady.
Qaralyp otyrǵan oqý jylynda oqytýǵa jáne daıyndaýǵa 201 557 stýdent qabyldandy, bul 2009/2010 oqý jylyna qaraǵanda 19 952 adamǵa nemese 9,9 paıyzǵa kóp.
Kúntizbelik jyly bitirip shyqqan bilikti mamandar 161 964 adamdy qurady.
Bakalavrlardyń sany 592 672 adamdy, joǵary arnaıy bilim alyp jatqandardyń sany 27 284 adamdy quraıdy.
Respýblıkanyń JOO-da oqıtyn stýdentterdiń jalpy sanynda edáýir úles salmaq myna mamandyqtarǵa: áleýmettik ǵylymdar jáne bıznes - 13,8 paıyzda, pedagogıkalyq mamandyqtar men tehnıkalyq ǵylymdar jáne tehnologııalar - 10,2 paıyzdan keledi.
Joǵary oqý oryndarynyń shtatynda 39 6000 oqytýshy bar, qosymsha qyzmet boıynsha 6176 oqytýshy jumys isteıdi. Professor-oqytýshy qyzmetkerlerden 8 paıyzynyń ǵylym doktory, 35,8 paıyzynyń - ǵylym kandıdaty, 5,7 paıyzynyń - professor jáne 16,7 paıyzynyń - dotsent ǵylymı dárejesi bar. Magıstrdiń akademııalyq dárejesi bar oqytýshylardyń sany -14,1 paıyz, fılosofııa doktory (PhD) - 0,9 paıyz.
Barlyq ǵımarattardyń jalpy alańy - 5 328 478 sharshy metrdi, oqý-zerthanalyq ǵımarattardyń jalpy alańy - 2 848 681 sharshy metrdi quraıdy.
