Qazaqstandaǵy 46 jol ýchaskesinde kólik qozǵalysy shekteldi

NUR-SULTAN. QazAqparat - Ótken táýlikte elimizde qar qursaýynan 91 adam, onyń ishinde 14 bala qutqaryldy. Bul týraly QR Tótenshe jaǵdaılar mınıstrligi baspasóz qyzmetinen málim boldy, dep habarlaıdy QazAqparat tilshisi.

«Qazirgi ýaqytta aýa raıyna baılanysty (boran, kóktaıǵaq) elimizdiń aýmaǵynda avtojoldardyń 46 ýchaskesinde, onyń ishinde 26 respýblıkalyq (Nur-Sultan q. – 6, Aqmola – 12, Qaraǵandy – 3, Qostanaı – 1 jáne Pavlodar - 4) jáne 20 oblystyq mańyzy bar (Aqmola – 14 jáne Qostanaı - 6) avtojoldar jabyq», - delingen mınıstrlik málimetinde.

Joldardaǵy jaǵdaıǵa baılanysty respýblıkalyq jedel shtab jumys istep jatyr.Osyndaı shtabtar óńirlerde de qyzmet atqarýda. Oblystyq jedel shtabtardyń aqparaty boıynsha blok-beketterde 915 tehnıka tur. Onyń ishinde 780-ni jeńil jáne 133-i júk avtokóligi (Aqmola oblysynda – 650 kólik, Qaraǵandy oblysynda – 85 kólik, Pavlodar oblysynda - 180 kólik).

«Tótenshe jaǵdaý mınıstrligi azamattarǵa eldi mekennen shyqqan kezde qaýipsizdik erejelerin saqtaýǵa keńes beredi. Alys jolǵa shyǵar aldynda aýa raıy boljamymen tanysyp, avtokóliktiń tehnıkalyq jaı-kúıiniń durystyǵyna kóz jetkizgen abzal. Ózińizben birge qysyltaıań jaǵdaılarda kómektesetin barlyq qajetti zattardy alyp júrińiz. «Dármen» mobıldi qosymshasy joldardyń jabylýy jáne daýyldy eskertý týraly habardar bolýǵa múmkindik beredi. Qutqarý qyzmetiniń biryńǵaı telefony – 112», - dep atalyp ótken vedomstvo habarlamasynda.

Budan buryn habarlanǵandaı, ótken táýlikte qar qursaýynan 91 adam qutqaryldy.