Qazaqstandaǵy 292 mektepte karantın talaptary buzylǵan

NUR-SULTAN. QazAqparat – Qazaqstan boıynsha mektepterdegi karantın talaptarynyń saqtalýyna monıtorıng júrgizý jalǵasýda. 2021 jyldyń 1-29 sáýir aralyǵynda 1688 tekseris júrgizildi, dep habarlaıdy QazAqparat QR QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııanyń Telegram kanalyna silteme jasap.

Nátıjesinde 292 (17,2%) mektepte karantın talaptaryn buzý jaǵdaılary anyqtaldy.

Bilim berý oryndarynda bolǵan karantın rejımi talaptarynyń negizgi buzýshylyqtary retinde kelesi faktorlardy atap ótýge bolady: birqatar mektepterde betperde rejımi saqtalmaǵan, araqashyqtyq belgileri qoıylmaǵan, bólmelerge ylǵaldy tazalaý jáne zalalsyzdandyrý júrgizý kestesi buzylǵan, synyptardaǵy partalar arasyndaǵy qashyqtyq saqtalmaǵan. Sondaı-aq bakterıtsıdtik shamdardyń, sanıtaızerler men zalalsyzdandyrý quraldarynyń jetkiliksizdigin anyqtaldy.

Bıylǵy jyldyń 23-29 sáýiri aralyǵynda monıtorıngtik toptar 643 mektepke tekserý júrgizdi. Karantın talaptaryn buzý jaǵdaılary 139 mektepte anyqtaldy, ıaǵnı 21,6%-i karantın rejımi tártibin buza otyryp jumys istegen.

Maska rejımin buzý faktileri 27 mektepte anyqtaldy, 19 mektepte tańerteńgi súzgi júrgizý tártibi buzylǵan, 6 mektepte áleýmettik araqashyqtyq belgileri joq, 29 mektep tolyq kólemde sanıtaızerlermen qamtamasyz etilmegen, 34 mektepte ylǵaldy tazalaý jáne dezınfektsııa júrgizilmegen.

Buzýshylyqtar sany boıynsha joǵary kórsetkisher kelesi aımaqtarda anyqtaldy:

Qaraǵandy oblysynda – 25 buzýshylyq;

Qyzylorda oblysynda – 21;

Túrkistan oblysynda– 17.

Anyqtalǵan barlyq karantındik, sanıtarııalyq-gıgıenalyq talaptardy buzý boıynsha QR ÁQBtK-niń 425-babyna sáıkes 312 tulǵaǵa jalpy kólemi 28 876 184 teńge ákimshilik aıyppul salyndy.

Mektepterde túsindirý jumystary júrgizildi. Anyqtalǵan buzýshylyqtar tekserý barysynda joıyldy.