Qazaqstandaǵy 2011 jylǵy egin oraǵynyń qorytyndysy shyǵaryldy
ASTANA. 30 jeltoqsan. QazAqparat - 2011 jyly kóptegen aýyl sharýashylyǵy daqyldarynyń ónimdiligi edáýir artqany baıqaldy, dep habarlady QR statıstıka agenttigi.
Respýblıkada 26 960,5 myń tonna dándi jáne burshaq daqyldary jınaldy, onyń 22 732,1 myń tonnasy ((84,3%) - astyq. Kartop jınaý 3 076,1 myń tonnany, ashyq alqaptardan kókónis jınaý - 850,0 myń tonnany, maıly daqyldar - 1 141,9 myń tonnany qurady.
Respýblıkadaǵy dándi jáne burshaq daqyldary óndirisi jalpy kóleminiń 29 paıyz túsimi Soltústik Qazaqstan jáne Qostanaı, 25 paıyzy - Aqmola oblystarynyń úlesine tıedi. Ashyq alqaptardan kókónis - Ońtústik Qazaqstan oblysynda (respýblıkalyq kólemniń 25,5 paıyzy), kartop - Almaty oblysynda (19,5 paıyz), kúnbaǵys - Shyǵys Qazaqstan oblysynda (51,6 paıyz) kóbirek jınalǵan.
