Qazaqstandaǵy 10 JOO akademııalyq erkindik alady
ASTANA. QazAqparat - Búginde Bilim jáne ǵylym mınıstrligi jasaǵan zań jobasy boıynsha, Qazaqstandaǵy 10 JOO akademııalyq erkindik alady. Bul týraly búgin Ortalyq kommýnıkatsııalar qyzmetinde ótken brıfıngte QR Bilim jáne ǵylym vıtse-mınıstri Tahır Balyqbaev habarlady.
«Qazirgi tańda bakalavrıattyq bilim berý baǵdarlamalarynyń 55%-yn, magıstratýranyń 70%-yn jáne doktorantýranyń 100 paıyzyn JOO-lar ózderi belgileıdi. Sondyqtan olarǵa baǵdarlama qurastyrýda tolyqtaı erkindik bar», - dedi ol jýrnalısterdiń suraqtaryna jaýap berý barasynda.
Vıtse-mınıstrdiń aıtýynsha, zań jobasy bilim salasyndaǵy halyqaralyq standarttar men talaptarǵa saı jasalǵan. «Osyǵan qosa, bizde synaq túrindegi baǵdarlamalar da bar, máselen, ál-Farabı atyndaǵy QazUÝ jáne basqa da JOO-lar. Biraq zańnyń jańa jobasynda biz bul deńgeıdi birshama keńeıtkimiz keledi. Sonda erekshe statýsy bar ýnıversıtetter, ıaǵnı 10 JOO, akademııalyq erkindik ala alady», - dedi vıtse-mınıstr.
