Qazaqstandaǵy 10 kolledjde jańa oqý baǵdarlamalary iske qosylady

NUR-SULTAN. QazAqparat - Ulttyq senim keńesiniń múshesi, BTS Digital bilim jobalarynyń jetekshisi Saıasat Nurbek qazaqstandyq kolledjderde oqytýdyń jańa baǵdarlamasyn engizý jospary týraly aıtty, dep habarlaıdy QazAqparat tilshisi.

«Jańa mamandyqtar atlasy búginde óz jemisin bere bastady. Aıtar bolsaq, TjKBB daıyndaýda jáne kolledjder men JOO-ǵa arnalǵan jańa oqý baǵdarlamalaryn ázirleýde qoldanyp jatyr». Máselen, Atyraý munaı jáne gaz ýnıversıtetiniń bazasynda bıyl alǵash ret munaı-gaz jabdyqtaryn predıktıvtik taldaý boıynsha bakalavrıat baǵdarlamasy iske qosylady. Odan bólek, otandyq 10 kolledj bazasynda buryn múldem bolmaǵan, jańa oqytý baǵdarlamalary iske qosylady», - dedi Saıasat Nurbek Ulttyq keńes múshelerine memlekettik nagradalardy tapsyrý saltanatynyń aldynda tilshilerge suhbat kezinde.

Onyń aıtýynsha, mamandyqtar atlasy bilim salasymen qatar, eńbek naryǵynda da suranysqa ıe.

«QR Eńbek jáne halyqty áleýmettik qorǵaý mınıstrligi eńbek naryǵyn uzaq merzimdi boljaý úshin atlasty paıdalanyp jaty. Táýelsizdiktiń 30 jylynda biz alǵash ret eńbek naryǵynyń qalaı ózgeretini týraly qysqa, orta jáne uzaq merzimdi modelin jasaı bastadyq. Eńbek naryǵynda jańa suranystar paıda bolyp jatyr, bul óz kezeginde jańa daǵdy men talapty qajet etedi. Bul halyq úshin de, bilim berý jáne eńbekpen qamtý salasy úshin de mańyzdy. Sondaı - aq bıznes salasyna da naryq suranysyna daıyn bolýǵa qatysty naqty nusqaýlyq beredi», - deıdi ol.