Qazaqstandaǵy JOO-lar negizinen jumys berýshilerdiń talaptaryna saı keledi – Djeıson Nıýman
ALMATY. KAZINFORM – Almatyda joǵary bilim berý máselelerine arnalǵan QS Higher Education: Asia Pacific 2024 Pre-sammıti ótti.
Іs-shara barysynda sóz alǵan QS halyqaralyq ýnıversıtetter reıtınginiń kommertsııalyq bas dırektory Djeıson Nıýman Qazaqstannyń joǵary bilim salasyndaǵy jetistikterine baǵa berdi.
– Qazaqstan men Ortalyq Azııa álemniń ártúrli tustaryn biriktiretin kópirge aınaldy. Bul kóptegen mádenıet men tilderdi biriktiretin tańǵajaıyp óńir. Osy tusta Qazaqstannnyń halyqaralyq stýdentter men oqytýshylardy tartýdyń mańyzdylyǵyn túsinetini qýantady. Qazaqstan óńirdegi bilim salasynyń lıderi jáne joǵary bilim salasyna qatysty QS reıtınginde aldyńǵy oryndardyń birinde. Búgin biz Qazaqstannyń 21 ýnıversıtetin marapattaımyz. Bul memlekettiń bilim salasyndaǵy progressin kórsetedi, - dedi ol.
Sonymen qatar sheteldik meıman Quacquarelli Symonds reıtınginiń zertteýine súıene otyryp, qazaqstandyq joǵary oqý oryndary qandaı baǵytty damytýdy qajet etetinin atap ótti.
– Qazaqstannyń joǵary oqý oryndary negizinen jumys berýshilerdiń talaptaryna saı keledi. Biraq damytýdy qajet etetin tustary da bar. Jumys berýshilerden alynǵan saýalnama negizinde jasalatyn QS dúnıejúzilik ındeksine sáıkes etıka jáne áleýmettik jaýapkershilik máselesine mán berý qajet, - dedi ol.
Eske salaıyq, buǵan deıin Pre-sammıt barysynda Ǵylym jáne joǵary bilim mınıstri Saıasat Nurbektiń Qazaqstandaǵy halyqaralyq joǵary oqý oryndary týraly pikirin usynǵanbyz.
