Qazaqstandaǵy joldardyń 71%-y ǵana talapqa saı: shaǵymdardyń 58%-y jergilikti joldarǵa qatysty
ASTANA. KAZINFORM — Respýblıkalyq mańyzy bar joldardyń 94%-y, oblystyq jáne aýdandyq joldardyń 91%-y talaptarǵa sáıkes keledi. Eldi mekenderdiń kósheleri boıynsha bul kórsetkish 71%-dy quraıdy. Bul týraly Úkimette ótken keńeste aıtyldy.
Kólik mınıstri Nurlan Saýranbaev jol ınfraqurylymynyń jaı-kúıi jáne sapany odan ári jaqsartý jónindegi sharalar týraly baıandady.
Mınıstrliktiń málimetinshe, eldi mekenderdiń kósheleri boıynsha bul kórsetkish 71%-dy quraıdy. Bul rette jol jelisiniń jaı-kúıi boıynsha kelip túsken ótinishterdiń shamamen 58%-y jergilikti joldarǵa, onyń ishinde 47%-y eldi mekenderdiń kóshelerine tıesili.
Qurylys sapasyn odan ári arttyrý jáne avtojol salasyn damytý maqsatynda paıdalanylatyn materıaldardyń biryńǵaı bazasy qurylyp, bıtýmdy qoldaný tásilderi qaıta qaraldy, qurylys kezinde sapany bes satyly baqylaý engizildi, merdigerlerdiń jaýapkershiligi arttyryldy. Sondaı-aq jobalardyń basymdyǵyn eskere otyryp, jalpy sıpattaǵy transfertter qarajatyn jumsaý úshin jergilikti atqarýshy organdardyń jaýapkershiligin kúsheıtý josparlanǵan.
Memleket basshysy qalaishilik joldarǵa, sondaı-aq iri jáne shaǵyn qalalardan tys ornalasqan joldarǵa erekshe nazar aýdarýdy tapsyrdy. Kólik mınıstrligine óńir ákimderimen birlesip, qalaaralyq jáne respýblıkalyq joldardyń sapasyn qamtamasyz etý, halyqtyń shaǵymdaryna jedel den qoıyp, jobalardyń toqtap qalýyna jáne olardyń iske qosý merzimderin buzýǵa jol bermeý tapsyryldy.
Joǵaryda atalǵan tapsyrmalardy oryndaý boıynsha jumysty úılestirý Premer-mınıstrdiń birinshi orynbasary Nurlybek Nálibaevqa júkteldi.
Aıta keteıik, buǵan deıin elimizdegi 40 myń shaqyrym jol mobıldi baılanyspen qamtylatynyn jazdyq.
